| 星期日
最GAG GE事就係陪呀媽去睇"大內密探零零九"...頂~比左一百蚊走入去訓教..我真係唔想哂左D錢去訓教咁折墮,但我真係忍唔住喇,一D都唔好笑,白痴弱智,完全笑唔出囉..加上果晚訓得6粒鐘,仲係好眼訓,要訓一D都唔難....坐在我後面的三個女仔仲可以笑笑笑,我真係唔明D人咩構造,咁大個人仲可以低B成咁...難怪呢個社會咁多人咁易比人呃!!!
星期一
尋日走左去沙田特賣場做,調得過黎又後生細女GE好多都係PART-TIME,開頭以為特賣場好多野做好忙,點不知去到真係HEA爆,"唔洗講服務,唔洗叫場,唔洗執野,由得D客自己揀就得...你的職責就係企係度睇下有無人偷野"<--呢D說話都係PT同事教...果然,尋日係平日真係好清閒,幾個圍埋傾計,I/C行埋黎就叫下場咁...哈,D I/C真係好狗囉,自己公司雖然有好多分支JA,同埋一齊係特賣場都要各自跑數,條數一唔夠就話"我覺得係同D員工有關囉",叫我地叫場...之後我地叫叫下,I/C又話收到有人投訴唔比我地叫場..HAHA,仲好,留番D氣!!不過呀YING真係一個好好的I/C(我尋日先知佢原來係I/C),好關照我,我一做錯野同埋做野慢佢都無剷我,仲好有耐性教我好多野..佢真係好體貼,好識體諒人,佢講左句"我都做過新人,我知你地的困難處.."呢句說話我每個同事都有同我講過,但我唔會覺得佢地個個係出自真心,只係覺得呢D係一D說話技巧,等你個心聽落去舒服D..但呀YING唔係,佢知道我需要D咩,知道我想學D咩,就算我無佢,佢已經教識我依家在公司學不到的野...呢個機會真係好難得呢!! |
